Misioni i Universitetit eshte te prodhoje inteligjencen e nje vendi. Menyra si e krijon, sa te afte, eshte pergjegjesi ndaj shoqerise dhe detyre e veshtire. Zgjidhja e gabuar demton ne kohe, eshte e pakthyeshme, nxjerr “pseudo mesues”, “pseudo infermiere” “pseudo ekonomiste….dhe brezi qe vjen “mesohet““kurohet””gjykohet “ nga pseudot. Shkurt rrota e historise rrotullohet ne regres, rrezik qe prek te gjithe, shoqëria mbetet primitive, prodhon dhe konsumon vetveten deri në shpërbërje, nuk ka zhvillim, nuk ka emancipim të individit. Krejt e kunderta ndodh kur Universiteti nxjerr intelektuale te afte,krijon “gjymtyre” te shendetshme,Eliten.
C’fare eshte elita?
Me Elite do përkufizojmë ata individë, që individualisht apo të grupuar, rezatojnë cilësi të vyera, të vlefshme e të pa zevendësueshme për shoqërinë. Këta njerëz prodhojnë mendim, ide, strategji kompetitive dhe fituese në “treg”, sidomos sot, kur bota jeton lluksin e krijuar nga teknologjia. Eliten nuk mund ta formojnë qeveritë ose pushtetarët me urdhër nga lart, apo me vendim zyrtar, por ajo ekziston pavarsisht atyre, tek njerëz me intuite dhe karakter. Perbejne Eliten të gjithë ata që në sport apo në shkencë, ia rrisin besimin dhe prestigjin shoqërisë dhe kombit, si brenda ashtu dhe jashtë vendit. Intelektual është ai i cili prodhon diçka të vlefshme nëpërmjet intelektit të tij, mendimit dhe kulturës, verbalisht duke folur në publik ose nëpërmjet publicistikës dhe botimeve.Petagogu i mirë ,intelektual u shërben nxënësve të tij me gjenialitet e përkushtim, jo me qëllime vetkënaqësie apo abuzimi që mund t’i lejojë pozicioni sygjestionues i mësues.Inteligjenca janë ata që me ose pa titullin “master” shkëlqejnë në jetën e përditshme, i japin asaj ngjyra, e bëjnë atë më të bukur dhe tërheqëse për sytë e masave. Ky model individi ngjall interes në publik dhe bën diferencën me botën pseudo-intelektuale, sepse prodhon mendim cilësor për zgjidhjen e mijra problemeve shoqërore, mendim ky i cili shpesh refuzohet me zili e xhelozi. Inteligjenca krijon ne shkence, art,teknologji,kulturë, humor, dinamizëm dhe harmoni shpirtërore.
Intelektuali, artisti, elitari pra nuk do dalë kurrë në rrugë për të protestuar apo për t’iu kundërvënë cubit me të njëjtat armë që përdor ai, dhunën dhe vjedhjen. Inteligjenca në këto shoqëri, rrezikon të mbetet e eklipsuar nga grupimet e dhunshme të cubave apo të ziliqarëve, ose të budallenjve të veshur me pushtet.
Nuk janë Inteligjenca ata që domosdoshmërisht, prej çertifikatave ose diplomave që kanë futur në xhep, me mënyra të diskutueshme, duke u pozicionuar në vende kyçe të institucioneve publike apo private falë lidhjeve fisnore, simpative personale apo “veprave të turpshme të gojës”, nuk prodhojnë asgjë.
Edhe nëqoftëse janë “punëtorë të palodhur” e siç thuhet “djersiten”, nëse ata nuk prodhojnë asgjë të dobishme, cilësore, pozitive, diçka që zgjidh çështje dhe probleme shoqërore, për të çuar përpara proçesin e zhvillimit njerëzor, nuk mund të quhen Elite, por të punësuar, nënpunësa, hallexhinj, të cilët kanë nevojë të ushqehen prej një shërbimi që ofrojnë e kështu marrin një rrogë në fund të muajit.
Në fund mbetet për të thënë se Elita eshte lokomotiva që tërheq ose udhëheq përpara shoqërinë drejt qytetërimit. Me ate janë realizuar dhe kanë triumfuar qytetërimet gjatë kohërave njerëzore.
Kete Elite pret shoqeria nga Universiteti.
In: Uncategorized |
Ese Mbi Miresine
Ata që kanë patur fatin që nga dhuruesi t’u falet shpirti i mirë, gjithë jetën e jetës do të jenë të mirë.
Njeriu me shpirt të mirë, e urren të keqen me shumë guxim, dhe me shumë guxim e bën dhe e proklamon luftën e tij kundër të keqes, madje edhe në rastet kur është i pagjasë. Mirësia e ushqen atë deri në atë masë, sa është për të besuar se pikërisht ndjenja e mirësisë e mban atë në jetë. Ushqim i tij jetësor nuk është droja për veten, as nuk është droja nga të tjerët. Ushqim i tij jetësor është vetësakrifica, ajo gjëja e paprovuar, që i mundëson ta ndjejë atë si një mëkat të ëmbël. Ky mëkat i ëmbël është për te si molla e ndaluar e parajsës, shijen e së cilës s’mund ta shijojë çdokush.
Njeriu i mirë është ekzemplar i rallë. Atë s’e takon dot. Madje, edhe po ta takosh, e ke shumë të vështirë ta dallosh, sepse është aq i natyrshëm në jetë, sa s’e dallon dot.
Njeriun e mirë e përshkon modestia. Ai nuk flet kot së koti. Nuk shqetësohet nga rregullsia, dhe në çaste rregullsie është si qengji: i butë dhe i dëgjueshëm. Ai del në dukshmëri vetëm në raste të veçanta, në raste rreziqesh të mëdha, në raste havarishë. Del krejt i vetmuar, dhe shkel me shumë guxim mbi tokën e ndaluar. Është pikërisht toka e ndaluar, ajo që e prodhon hormonin e gjallërimit tek ai. Uji i kulluar që rrjedh mbi tokën e ndaluar, është burim jete për te. Dielli që e ngroh atë tokë, është shpresë jete për te.
Por, njeriu i mirë ka një mangësi tmerruese: nuk di gjë për vyrtytin e vet. Është pikërisht kjo mangësi, ajo që e bën të jetë kokëulur, modest, dhe t’u besojë nganjëherë edhe njerëzve më shpirtligë, ndaj ka rrezik që vyrtyti i dëlirësisë së tij të keqpërdoret në masë të madhe nga të ligët, të cilët nuk kanë mision tjetër përpos së keqes.
Popujt që synojnë lirinë e mirësisë dhe mirësinë e lirisë, duhet të shndërrohen në parajsë për njeriun e mirë, dhe në ferr të vërtetë për ngulmuesit e së keqes.
Liria e sendërtuar dhe e përkujdesur nga njeriu i mirë është liria vërtetësore.
Liria e përkujdesur nga ngulmuesit e së keqes është liria që vret.
Zoti na shpëtoftë nga një liri e tillë
In: Letersi shqiptare |
Jam tek pedagoget e promovuar,(si gjithe te tjeret konform VKM).Nuk e shikoj mospranimin nga Ministria aspak si prekje te interesit personal,(si te tille ,as nuk do ta diskutoja).Ne kendveshtrim te gjere e shoh si shkelje te intresave te nje Universiteti qe dita dites merr standarte bashkekohore,qe personeli akademik punon panderprerje per standarte me te larta.UV per pak kohe eshte bere simbol i antikorupsionit,plage e pasherueshme per Universitetet e tjera shqiptare.PSE??Te bllokohen promovimet? Pse te mos vleresohen pedagoget per nivelin e tyre ,dhe keshtu te nxiten te punojne me shume?Pse ne 2010 Universitetet qe prodhojne “intelektuale” te mos kene as te drejten.te vetevendosin, te vleresojne “Stafin Akademik”?Te nderuar pushtetar,qe vishni bluza te partive politike,e mbani karigen me mitingje,eshte mire qe dhe ju te merrni mendimin Akademik,si te pangjyrosur e intelektual,ne rastin e UV ,me pedagoge idealiste per ta bere UV nje universitet Europian te kerkuar.
In: Promovimet |