Author
Mendim per ndryshime ne VKM #2
- by vlora
REPUBLIKA E SHQIPËRISË
KËSHILLI I MINISTRAVE
________________________________________________________
P R O J E K T V E N D I M
Nr._______, datë_______ 2009
P Ë R
DISA SHTESA DHE NDRYSHIME NË VENDIMIN NR. 467, DATË 18. 07. 2007, “PËR PËRCAKTIMIN E KRITEREVE DHE PROCEDURAVE PËR KUALIFIKIMIN, SHKENCOR E PEDAGOGJIK, TË PERSONELIT AKADEMIK”
Në mbështetje të nenit 100 të Kushtetutës dhe të nenit 47 të ligjit nr. 9741, datë 21.5.2007 “Për arsimin e lartë në Republikën e Shqipërisë”, i ndryshuar, me propozimin e Ministrit të Arsimit dhe Shkencës, Këshilli i Ministrave
V E N D O S I:
I. Në Vendimin e Këshillit të Ministrave nr. 467, datë 18. 07. 2007, “Për përcaktimin e kritereve dhe procedurave për kualifikimin, shkencor e pedagogjik, të personelit akademik”, pas Kreut II, shtohet Kreu II/1, si mëposhtë vijon:
- Kreu II/1
- 2/1.1 Promovimi i përshpejtuar për titullin “Prof. Asoc.”
- Kandidatët që kanë gradën shkencore “Doktor” dhe kanë botuar, përveç doktoraturës,si autor i parë ose i dytë, së paku 5 artikuj shkencor në revista të huaja, me faktor impakti mbi 1.0, kanë të drejtë t’i paraqesin rektorit të Institucionit të Arsimit të Lartë, që gëzon të drejtën e promovimit për titullin “Prof. Asoc.”, kërkesë për marrjen e titullit “Prof. Asoc.”. Kërkesa shoqërohet me dy referenca/rekomandime nga profesorë të vendit ose të huaj, që vlerësojnë se vëllimi dhe cilësia e punimeve shkencore të përfunduara me botimet e sipërpërmendura, plotësojnë kushtet për e promovimin e përshpejtuar të kandidatit për titullin “Prof.Asoc.”. Në rastet kur aplikuesi nuk është autor i parë në ndonjë artikull shkencor të paraqitur në listën e botimeve, një nga rekomanduesit duhet të jetë bashkëautor i artikullit në fjalë, me gradë shkencore “Doktor”, i cili shprehet për kontributin e kandidatit në artikullin e paraqitur në listën e botimeve.
- Rektori i Institucionit të Arsimit të Lartë, brenda një muaji nga marrja e kërkesës së kandidatit, nxjerr urdhër për krijimin e Komisionit të Vlerësimit.
- Komisioni i Vlerësimit, brenda 2 muajve, realizon të gjithë procedurën e vlerësimit të parashikuar në Vendimin e Këshillit të Ministrave nr. 467, datë 18. 07. 2007.
- Kandidatët që nuk janë në marrëdhënie pune në një Institucion të Arsimit të Lartë, i dërgojnë kërkesë rektorit të një Institucioni të Arsimit të Lartë që gëzon të drejtën e promovimit për titullin “Prof. Asoc.”, në fushën ku është kryer kërkimi shkencor dhe janë realizuar botimet.
- 2/1.2 Promovimi i përshpejtuar për titullin “Prof.”
- Kandidatët që kanë gradën shkencore “Doktor” dhe kanë botuar, përveç doktoraturës,si autor i parë ose i dytë, së paku 10 artikuj shkencor në revista të huaja, me faktor impakti mbi 1.0 dhe kanë së paku 3 vjet eksperiencë pune si lektor në shkolla të larta/universitete, brenda ose jashtë vendit, kanë të drejtë t’i paraqesin rektorit të Institucionit të Arsimit të Lartë që gëzon të drejtën e promovimit për titullin “Prof.”, kërkesë për marrjen e titullit “Prof.”. Kërkesa shoqërohet me dy referenca/rekomandime nga profesorë të vendit ose të huaj, që vlerësojnë se vëllimi dhe cilësia e punimeve shkencore të përfunduara me botimet e sipërpërmendura, plotësojnë kushtet për promovimin e përshpejtuar të kandidatit për titullin “Prof.” dhe i kërkojnë rektorit t’i propozojë Kryetarit të Komisionit të Vlerësimit të Titujve Akademik (KVTA), përbërjen e Komisionit të Vlerësimit. Në rastet kur aplikuesi nuk është autor i parë në ndonjë artikull shkencor të paraqitur në listën e botimeve, një nga rekomanduesit duhet të jetë bashkëautor i artikullit në fjalë, me gradë shkencore “Doktor”, i cili shprehet për kontributin e kandidatit në artikullin e paraqitur në listën e botimeve.
- Rektori i Institucionit të Arsimit të Lartë, brenda një muaji nga marrja e kërkesës së kandidatit, i propozon Kryetarit të Komisionit të Vlerësimit të Titujve Akademik (KVTA),Komisionin e Vlerësimit.
- Komisioni i Vlerësimit të Titujve Akademik, shqyrton brenda një muaji, propozimin e rektorit, miraton Komisionin Vlerësues dhe merr vendim për fillimin e vlerësimit pedagogjik të kandidatit.
- Komisioni i Vlerësimit, brenda dy muajve, realizon të gjithë procedurën e vlerësimit të parashikuar në Vendimin e Këshillit të Ministrave nr. 467, datë 18. 07. 2007.
- Kandidatët që nuk janë në marrëdhënie pune në një Institucion të Arsimit të Lartë, i dërgojnë kërkesë rektorit të një Institucioni të Arsimit të Lartë që gëzon të drejtën e promovimit për titullin “Prof.”, në fushën ku është kryer kërkimi shkencor dhe janë realizuar botimet.
II. Ngarkohen Ministria e Arsimit dhe Shkencës dhe Institucionet e Arsimit të Lartë, për zbatimin e këtij vendimi.
Ky vendim hyn në fuqi menjëherë pas botimit në “Fletoren Zyrtare”.
K R Y E M I N I S T R I
SALI BERISHA
Mendim per ndryshime ne VKM # 1
- by vlora
REPUBLIKA E SHQIPËRISË
KËSHILLI I MINISTRAVE
________________________________________________________
P R O J E K T V E N D I M
Nr._______, datë_______ 2009
P Ë R
DISA SHTESA NË VENDIMIN NR. 864, DATË 05. 12. 2007, “PËR HAPJEN E PROGRAMEVE TË STUDIMEVE TË DOKTORATËS NË INSTITUCIONET PUBLIKE TË ARSIMIT TË LARTË DHE PËRCAKTIMIN E KUSHTEVE QË DUHET TË PLOTËSOJË STUDENTI, PËR MARRJEN E DIPLOMËS PËR GRADËN SHKENCORE “DOKTOR”, I NDRYSHUAR”
Në mbështetje të nenit 100 të Kushtetutës dhe të neneve 26 e 42 të ligjit nr. 9741, datë 21.5.2007 “Për arsimin e lartë në Republikën e Shqipërisë”, i ndryshuar, me propozimin e Ministrit të Arsimit dhe Shkencës, Këshilli i Ministrave
V E N D O S I:
I. Në Vendimin e Këshillit të Ministrave nr. 864, date 05. 12. 2007, “Për hapjen e programeve të studimeve të doktoratës në Institucionet Publike të Arsimit të Lartë dhe përcaktimin e kushteve që duhet të plotësojë studenti, për marrjen e diplomës për gradën shkencore “Doktor”, i ndryshuar”, pas pikës 5, shtohet pika 5/1, si më poshtë vijon:
5/1. Promovimi i përshpejtuar i shkencëtarëve të rinj të talentuar
- Kandidatët që kanë diplomë universitare të nivelit të dytë (DND) ose diplomë universitare e integruar e nivelit të dytë (DIND) dhe kanë botuar, si autor i parë, së paku tri artikuj shkencor në revista të huaja, me faktor impakti mbi 1.0, kanë të drejtë t’i paraqesin rektorit të Institucionit të Arsimit të Lartë, që ofron studime të doktoraturës, dhe për dijeni, Ministrit të Arsimit dhe Shkencës, një kërkesë për mbrojtjen e doktoratës mbi bazën e artikujve shkencor të botuar (disertacion kumulativ). Kërkesa duhet të jetë e shoqëruar nga dy referenca/rekomandime nga profesorë të vendit ose të huaj, që vlerësojnë se vëllimi dhe cilësia e punimeve shkencore të përfunduara me botimet e sipërpërmendura, plotësojnë kushtet për kërkimin e gradës shkencore “Doktor” dhe i propozojnë rektorit ngritjen e Jurisë për provimin e doktoratës.
- Rektori i Institucionit të Arsimit të Lartë, brenda një muaji nga marrja e kërkesës së kandidatit, nxjerr urdhër për ngritjen e Jurisë.
- Juria, brenda një muaji, vlerëson provimin e doktoratës së kandidatit, sipas Vendimit të Këshillit të Ministrave nr. 864, date 05. 12. 2007 “Për hapjen e programeve të studimeve të doktoratës në Institucionet Publike të Arsimit të Lartë dhe përcaktimin e kushteve që duhet të plotësojë studenti, për marrjen e diplomës për gradën shkencore “Doktor”, i ndryshuar.
- Kandidatët që nuk janë në marrëdhënie pune në një Institucion të Arsimit të Lartë, i dërgojnë kërkesë rektorit të një Institucioni të Arsimit të Lartë, që zhvillon studime të doktoraturës në fushën ku është kryer kërkimi shkencor dhe është përgatitur teza e disertacionit në formë kumulative.
II. Ngarkohen Ministria e Arsimit dhe Shkencës dhe Institucionet e Arsimit të Lartë, për zbatimin e këtij vendimi.
Ky vendim hyn në fuqi menjëherë pas botimit në “Fletoren Zyrtare”.
K R Y E M I N I S T R I
SALI BERISHA
Ali Asllani
- by vlora
Hakerrim
Që nga Korça gjer te Shkodra mbretëron një errësirë,
nëpër fusha, nëpër kodra, vërshëllen një egërsirë!
Pra, o burra, hani, pini, hani, pini or’ e ças,
Për çakallin, nat’ e errët, është ras’ e deli ras’!
Hani, pini dhe rrëmbeni, mbushni xhepe, mbushni arka,
të pabrek’ ju gjeti dreka, milionier’ ju gjeti darka!
Hani, pini e rrëmbeni, mbushni arka, mbushni xhepe,
gjersa populli bujar t’ju përgjigjet: peqe, lepe!
Ai rron për zotrinë tuaj, pun’ e tija, djers’ e ballit,
ësht’ kafshit për gojën tuaj. Rroftë goja e çakallit!
Shyqyr zotit, s’ka më mirë, lumturi dhe bukuri,
dhe kur vjen e ju qan hallin, varni buz’ edhe turi!
Hani, pini dhe rrëmbeni, është koha e çakenjvet;
hani, pini e rrembeni, ësht’ bot e maskarenjve;
Hani, pini, vidhni, mblidhni gjith’ aksione, monopole,
ekselenca dhe shkelqesa, tuti quanti come vuole!
Nënshkrim i zotris suaj nëpër banka vlen milion,
ju shkëlqen në kraharuar decorata “Grand Cordon”!
Dhe kërkoni me ballhapur (!) komb i varfër t’ju thërres’
gjith me emrin tingëllonjës: Ekselenca e Shkelqes’
dhe të quheni përhera luftëtar’ e patriot’,
në ka zot dhe do duroj’, posht ky zot, ky palo zot!
Grand Cordon i zotris’sate, që në gji të kan’ vendosur,
ësht’ pështyma e gjakosur e atdheut të vremosur;
dhe kolltuku ku ke hipur, duke hequr nderin zvarr’,
ësht’ trikëmbshi që përdita varet kombi në litar!
Dhe zotrote kullurdise, diç, u bëre e pandeh,
kundër burrit të vërtetë zë e vjell e zë e leh!
E na tunde, na lëkunde, nëpër salla shkon e shkunde,
mbasi dora e armikut ty me shok’ të heq për hunde.
Rroftë miku yt i huaj, që për dita los e qesh,
të gradoi katër shkallë, pse i the dy fjal’ në vesh!
Koha dridhet e përdridhet, do vij’ dita që do zgjidhet
dhe nga trasta pem’ e kalbur doemos jasht’ do hidhet!
Koha dridhet e përdridhet, prej gradimit katër shkallë
nuk do mbetet gjë në dorë veç se vul’ e zezë në ballë!
Mirpo ju që s’keni patur as nevoj’ as gjë të keqe,
më përpara nga të gjithë, ju i thatë armikut: “Peqe!”
Që të zinit një kolltuk, aq u ulët u përkulët,
sa në pragun e armikut vajtët si kopil u ngulët!
As ju hahet, as ju pihet, vetem titilli ju kihet…
Teksa fshat’ i varfer digjet… kryekurva nis e krihet!
Sidomos ju dredharakë, ju me zemra aq të nxira,
ju dinakë, ju shushunja, ju gjahtar’ në errësira!
Ç’na pa syri, ç’na pa syri!… Hunda juaj ku nuk hyri:
te i miri, te i ligu, te spiuni më i ndyri!
Dallavera nëpër zyra, dallavera në pazar,
dallavera me të huaj, dallavera me shqiptar’
Vetëm, vetëm dallavera, dhe në dëm të këtij vëndi
që ju rriti, që ju ngriti, që ju ngopi, që ju dëndi!
Nëse kombi vete mbarë, nesër ju veproni ndryshe,
dylli bënet si të duash, kukuvajk’ dhe dallandyshe…
kukuvajka gjith, me lajka, neser silleni bujar,
nënë dorë e nënë maska, shkoni jepni një kapar!
Dhe kujtoni tash e tutje me të tilla dallavera
kukuvajka do përtypi zog e zoga si përhera…
Ja, ja grushti do të bjeri përmbi krye të zuzarve,
koha është e maskarenjve, po Atdheu i shqipëtarve!
Edhe ju të robëruar, rob në dor’ të metelikut,
fshini sofrat e kujtdoj’, puthni këmbën e armikut!
Që ta kesh armikun mik e pandehni mënçuri,
mjafton bërja pasanik, pasanik dhe “bej” i ri,
dhe u bëtë pasanik, me pallate, me vetura,
kurse burrat më fisnikë, japin shpirtin në tortura!
Vëndi qënka sofr’ e qorrit, vlen për goj’ e për lëfytë,
bëni sikur veni vetull’, shoku shokut krreni sytë…
Dhe për një kërkoni pesë, po më mir’ njëzet e pesë.
Le të rrojë batakçiu dhe i miri le të vdesë!
Po një dit’ që nis e vrëret do mbaroj’ me bubullimë,
ky i sotmi zër’ i errët, benet vetëtimë
dhe i bije rrufeja pasuris’ dhe, kësi lloj,
nuk ju mbetet gjë në dorë, vetëm një kafshit’ për goj’!
A e dini që fitimi brënda katër vjet mizor’
nuk ësht’ yti, nuk ësht’ imi, është i kombit arbror,
ësht’ i syrit në lot mekuar, ësht’ i vëndit djegur, pjekur,
Ju do thoni si të doni… po e drejta dermon hekur!
Naim Frasheri (Tradhetoret)
- by vlora
Tradhëtorëtë
Shokë, kemi në mest tënë
Shum’ armik’ e trathëtorë!
Popo! mos u qoftë thënë!
Veç që s’kanë gjë në dorë.Harruanë mëmëdhenë
Dh’ e lanë kombinë tënë
E një tjatërë na gjenë!
Popo! mos u qoftë thënë!Lanë zonjën e lëvduar
E zunë një kurvë shtrigë,
Të ndyr’ e të mallëkuar,
Të fëlliqur e të ligë.Lanë mëmën të xhveshur
Dhe mundohenë për botë,
Pa dhe bota duke qeshur
U thotë: mundohi kotë!Qysh u bënë Efialtë
E nuk e njohin të mirën,
Uthullën pandehin mjaltë
Edhe dritë errësirën!Buk’ e mëmëdheut zëntë
Tradhëtorët e pabesë!
Dhe Zoti dërrmën u dhëntë,
Kurrë mos paçinë pjesë!Miqt’ armiq i kanë bërë,
Armikëtë miq i zunë,
Qysh janë fyell të tërë!
Ç’është kjo e madhe punë!Fajn’ e math kur do ta njohin
Njerëzit e mallëkuar?
Dritënë pse nuk e shohin,
Apo janë të verbuar?Janë së gjithash të marrë
Dhe të liq me të vërtetë,
Mëmëdheut bëjnë varrë,
Po do të bienë vetë,Se mbretëron e vërteta,
S’del kurrë gënjeshtr’ e shkretë
T’ish ashtu, qe prishur jeta,
S’kish mbetur gjë e vërtetë.Ata turpinë fitojnë,
Nder’ e tyre posht’ e hedhin
Dhe armikëtë gëzojnë
E në errësirët bredhin.Nuk është kurrë haruar
Dh’e mira dh’e lig’ e shkretë,
Të gjitha janë paguar,
S’ka mbeturë gjë në jetë.Lerini, pa do ta gjejnë,
Të vërtetën do ta njohin,
Se tani s’e dinë ç’bëjnë,
Janë të verbër e s’shohin.O, popo ç’turp kanë marrë!
Janë bërë tradhëtorë
Dhe s’janë më shqipëtarë,
Se nga kombi hoqnë dorë.Me të huajnë u bënë,
Me armikn’ e Shqipërisë,
S’duanë gjuhënë tënë
Armikët’ e Perëndisë!Ndjej, o Zot, se nukë dinë
Se ç’bëjnë, janë mahnitur,
Rrahin të prishin shtëpinë
Pun’ e lig’ edh’ e mërzitur.Të gjorët janë në gjumë,
Të vërtetënë s’e dinë,
Do të mundohenë shumë,
Pasdaj mënttë do t’u vinë.Vëllazërin’ e harrojnë
Dhe kombin e mëmëdhenë,
Dhe armikëtë dëgjojnë
Edhe s’dinë se ku venë.Hiqni dorë, hiqni dorë!
Mblithni mëntt’ e tupërohi,
Mos u bëni trathëtorë,
Se pasdaj do të pendohi.
Promovimet
- by vlora
Te nderuar kolege,
Sic e dini problemi primar i UV-se sot eshte promovimi i pedagogeve. MASH po reziston t’i njohe promovimet tona.
Ne tetor 2009 Ministri Tafaj me ka premtuar ne telefon midis te tjerash se programet e reja dhe promovimet do te zgjidheshin sa me shpejt. Koha e tregoi se kjo ishte genjeshtra e rradhes qe ne te pranonim gjithe pesaxhinjte ne mesim.
Ne Nentor nje delegacion i UV-se ka takuar Ministrin. Ne kete delegacion kane qene E. Zhupa, D. Tozaj, E. Ruci, E. Xhelilaj. Ministri perseri u premtoi shume, midis te tjerave edhe promovimet.
Ne te njejten kohe Ministri filloi edhe presionin kundrejt nesh duke derguar auditin e MASH ne UV per 5 jave te tera. Kur auditi nuk gjeti ato qe shpresonte, presioni u shnderua neper kanale te tjera. E gjithe kjo behet vetem e vetem qe qeveria te kontrolloje promovimet e pedagogeve dhe si pasoje UV.
Une personalisht jam i bindur se qeveria do te perdore cdo rruge qe te mos te toleroje ne kete pike. Ata do te perpiqen te organizojne protesta te studenteve, militantet partiake ne Vlore do te aktivizohen serish. Rektori por edhe te gjithe ata qe konsiderohen rreth tij do te pergojohen neper gazeta si gjithmone me pare.
Ne duhet te perdorim cdo forme per te marre ate te drejte legjitime te cilen duhet t’a kene te gjithe ata qe punojne ne universitete. Perpiquni te sqaroni studentet, koleget, prinderit dhe gjithe opinionin qytetar per te drejten tuaj. Me sa shoh rruga e vetme qe na ngelet eshte bojkotimi total.
Rektori,
T. Shaska
Vlores
- by vlora
Vlorës
Ti je balli me florinj,
ti je lulja e Shqipërisë
dhe trumbeta e lirisë.
Pleq që ngjalle dhe të rinj,
tërë kombi të sjell nder,
me lavd emrin ta ka shkruar
se ti trime vet’ me duar
fij’t e flamurit ke tjerr!
Je kurora me shkëlqim
gurështrenjt’, margaritarë,
që do mjeshtër magjistarë
t’i radhuan me qëllim.
Zjarr lëshojnë, që verbon,
si yj rrotull të shëndrisin,
rreze njyrash, llamburisin,
për sy bërë që lakmon!…
…Rrotull fqinjët sa fuqi,
sa mënyra nuk përdorin,
me pahir që të na korrin
çdo send, Vlorë, mban në gji!
Mund e bij ke pas’ armiq,
me syt’ katër gjith’ pas arit,
jasht’ zakonit të shqiptarit,
që s’shet besën për ca fiq.
Por ti, Vlorë, mos u dro!
Mbaj mburojën me qëndresë,
se kush vetes i zë besë,
e mat grushtin me këdo.
Se dhe Deti mik kur fle,
n’ëndrrat kryen një dëshirë
mbret të jet’ e zot i lirë
veç për tokën q’i dha bè.