Bonsai eshte nje element i kopshtarise kineze, me ane te te cilit kultivohen peme ne miniature.

Fidaneve te pemeve u shkurtohen me gershere 1/3 e rrenjeve dhe 2/3 e gjetheve dhe degeve. Me pas fidanet e krasitur mbillen ne vazo te vogla lulesh dhe mbahen gjalle me pleherim e ujitje. Ideja e bonsait eshte ta mbash pemen ne permasa te vogla e te mos e lejosh ate kurre te rritet, duke perftuar keshtu nje peme me te gjitha funksionet e saj, por ne vend qe te jete e larte 3 metra, te kete te njejten forme ne nje madhesi prej 10 centimetrash. Kjo realizohet duke shkurtuar ne maksimum cdo syth te ri qe pema cel, ne menyre te perditshme.

Filozofia e administrates qeveritare shqiptare per arsimin publik universitar ngjason ne menyre te pameshirshme me kopshtarine bonsai.

Ja me se fundi, del nje universitet ne Shqiperi, i cili realizon me te vertete nje permiresim rrenjesor dhe te dukshem te standarteve te mesimdhenies, duke e shfaqur vleren e vet dhe prestigjin e arsimit shqiptar ne podiume nderkombetare. Me se fundi del nje universitet ne zemer te Shqiperise, i cili matet me universitete te botes dhe barazohet me ta. Del nje universitet ne Vlore, i cili delegon anetare te stafit pedagogjik ne simposiume e konferenca nderkombetare, qe botohet ne revista shkencore boterore me faktor te larte impakti dhe i ben shkencetaret e botes te kujtohen qe ka arsim te larte ne Shqiperi. Del nje universitet publik qe bulezon sythe e projekton kampuse per te shtrire deget e veta, qe permireson programe e seleksionon stafin pedagogjik duke e filtruar ate ne menyre strikte sipas kritereve te ligjit, per te optimizuar pozitat e veta per akreditim nderkombetar, arritje kjo qe do te qendronte ne krye te listes se mburrjeve te cdo qeverie, te cfaredo lloji qofshin – me perjashtim te qeverise shqiptare.

Ne vend qe te hapet vend e te inkurajohen iniciativat, te krijohen hapesira e te ndihmohen reformat, te tregohet si model per universitete te tjera e te dekorohen flamurtaret, Universitetit te Vlores i priten deget e i pergjysmohen rrenjet, i bllokohen rrogat e i anullohen promovimet, i kthehen mbrapsht programet e i refuzohen projektet. Ne vend qe te konsiderohet nje gur i cmuar ne kuroren e arritjeve kombetare, trajtohet si shqetesim fakti se ky universitet po ben nje hije te madhe. Behet cmos qe ky universitet te mos rritet. Behet cmos qe Universiteti i Vlores te shnderrohet ne nje universitet bonsai.

Mbetem ne kureshtje te shoh a ka me shprese per Shqiperine.

E. Prifti

No related posts.